"Hindi ko inaasahan na ikaw lang mag isa Marcus ang tutungo rito ngayon para malaman ang resulta ng DNA test," sabi sa kanya ng Don.
"Hindi ko na po sinama pa ang mag ina ko. Ayoko nang makarinig pa ng ano mang panlalait mula po sa inyo ang asawa ko!" Mariin niyang tugon sa Don. Hindi siya nag-aalis ng tingin sa mga mata nito.
"Marcus," mahinang tawag nito sa pangalan niya..
"Maupo ka muna at nang makapag-usap muna tayo bago mo buksan ang laman ng envelope," malumanay nitong sabi sa kanya. Napakunot pa nga ang noo niya sa malumanay nitong pakikipag usap sa kanya. Anong himala at hindi siya nito sinisigawan at minumura ngayon?
"Wala na po akong oras para makipag kwentuhan pa sa inyo lo. Nais ko lang malaman ang resulta at ng makaalis na ako at makauwi sa pamilya ko," seryosong tugon n
