Laylay ang mga balikat niya nang bumalik sa suite na tinutuluyan nila ni Marc.
Nadatnan niyang tulog ang anak kaya naman nagkaroon sila ng oras ni Lexie na mag kwentuhan muna bago ito umalis.
"Anong sinabi sa iyo ng Don?" Tanong sa kanya ni Lexie.
"Ano pa nga ba. Wala namang sasabihing maganda sa akin ang Don," she said.
Hanggang ngayon kasi kahit sabihin pa na nabago na niya ang buhay niya ay isang katulong pa rin ang tingin sa kanya ng Don.
"Ibig bang sabihin tutol pa rin siya sa iyo para kay Marcus?" Usisa ni Lexie. Tumango siya sa kaibigan.
"Anong gagawin mo ngayon, kung hindi pa rin nagbabago ang Don?" Malungkot na tanong sa kanya ng kaibigan.
Alam niyang nabago man niya ang buhay niya ay mananatili pa rin sa pagkatao niya kung sino talaga siya. Lalo na sa mga taong katulad n
