MAS LALONG nakatulong para kay Aniah ang ginawa niyang pag-idlip nang hapong iyon. Nang magising kasi siya ay magaan na ulit ang kaniyang pakiramdam. Gising na rin si Devon nang magising siya.
“Natulog ka ba?” tanong pa niya sa kaniyang nobyo.
“Hmm. Kagigising ko lang din.”
“Totoo?” nagdududa pa niyang tanong.
“Mukha ba akong nagbibiro? Totoo.”
Wala ng salita pa na yumakap si Aniah sa katawan ni Devon.
Sa pagkakataon na iyon, sobrang lapit na lamang niya sa kanilang bahay. Kayang-kaya ngang lakarin kung tutuusin. Hindi niya lubos maisip na taga-doon lang si Devon noon. Napakagaling talaga nitong magtago sa kaniya ng katotohanan.
“Ano’ng oras na, love?” tanong niya kapag kuwan sa nobyo.
“Malapit ng mag-six, love. Mamaya lang, kakatukin na tayo rito ng maid para sa dinner.”
“Okay. W
