“BAKIT hindi ka pa kumain?”
Umangat ang tingin ni Aniah kay Devon nang magsalita ito. Pinigilan naman ni Aniah na mamasang muli ang kaniyang mga mata. Bagaman at may hapdi sa kaniyang lalamunan.
Sa tuwing naririnig niya ang boses ni Devon, mas lalong naaalala niya si Evo. Alam naman niya na iisang tao lang ang mga ito. Iyon nga lang, hindi siya maalala ni Devon ngayon.
“Kumain ka na,” muling wika ni Devon kay Aniah.
Wala ng salita na ibinalik ni Aniah ang kaniyang atensiyon sa pagkain at kumain.
Hindi naman nangahas si Devon na kulitin siya. Mas pinili nitong manahimik. Siguro, upang mas makapag-focus siya sa kaniyang kinakain.
Matapos nilang kumain sa restaurant sa Bella’s Resort, naglakad-lakad naman si Aniah papunta sa may dalampasigan. Nakasunod sa kaniya si Devon.
Nang hindi ma
