PARANG déjà vu lang. Iyon ang nararamdaman ni Aniah ng mga sandaling iyon. Pati ang alaala sa unang beses nilang pagtulog ni Evo nang magkasama noon sa isang Motel sa Lucena City, dumaan pa sa kaniyang isipan.
Sa motel room din niya natulog noon si Evo, at sa upuan din nito napiling matulog.
“Devon—”
“Aniah, wala na akong sapat na cash na dala. At ayaw ko naman na ipasundo kaagad ako ng pamilya ko oras na malaman nila kung nasaan ako, gamit ang card ko. Kaya ayaw kong mag-swipe na lang basta ng card sa kahit na anong lugar o kahit dito sa resort na ‘to.”
Mukhang sa parte na iyon, hindi niya mapipilit si Devon.
“At mas lalong hindi puwedeng makarating sa pamilya ko na may kasama akong lalaki rito,” apila naman ni Aniah. “Devon, relative ko ang may-ari nitong Bella’s Resort. At hindi na
