MATAMANG pinagmamasdan ni Aniah si Devon habang magkatulong silang nag-aayos ng kanilang mga kasuotan na pina-laundry nila.
Nang mag-angat ng tingin si Devon ay nagtama pa ang mga tingin nila.
“What?” tanong ni Devon na gumuhit pa ang ngiti sa mga labi.
“Gusto mo bang lumipat tayo ng place na pag-stay-an?” naisipan niyang itanong.
“Siguradong hahanapan na naman tayo ng ID, Aniah. Nagdahilan na nga lang ako sa receptionist na nakalimutan kong magdala ng kahit na anong ID noong mag-check-in tayo rito.”
Bigla siyang nakaisip ng paraan. “Puwede tayong magpagawa ng pekeng ID.”
“Ayaw mo na ba rito?” sa halip ay tanong sa kaniya ni Devon.
“Hindi naman sa ayaw. Pero mas maganda kung nakakapag-explore tayo sa ibang lugar.” Tingin niya, mas marami silang bagong memories na magagawa ni Devon k
