“BUHAY ka pa pala.”
Huminto sa paglalakad si Aniah at nilingon ang babaeng nagsalita. Si Olivia na mukhang makakasabay pa niya sa paglalakad papunta sa backdoor ng The Kings.
Gumuhit naman ang ngiti sa labi ni Aniah nang makita niya si Olivia. “Buhay na buhay at masayang-masaya,” makahulugan pa niyang wika bago nagbawi ng tingin at nagpatuloy na sa kaniyang paglalakad.
“Masyado ka naman yatang masuwerte na matapos mawala ng isang linggo, susulpot na lang na parang walang nangyari?”
Hindi pa man nakakausap ni Aniah si Miss Chu, pero heto at mukhang mas marami pang sinasabi si Olivia. Hindi na lamang niya ito pinansin pa.
Bago naman siya bumalik sa The Kings, pinaalam niya sa kaniyang Kuya Tres kung puwede pa siya roong bumalik. At ang tugon daw ng kaniyang manager sa tauhan nito ay puw
