“MAY NAGHAHANAP po sa inyo sa baba, Ma’am Aniah,” ani Jocelyn, isa sa mga kawaksi sa mansiyon, nang puntahan siya nito sa kaniyang silid.
“Sino?”
“Hindi ko rin po kilala, Ma’am Aniah. Kausap po ni Sir Karzon sa may salas. Lalaki po. Guwapo. Matangkad at—”
“What?!”
Walang basta-bastang bumibisita sa kaniya sa bahay nila dahil ayaw na ayaw niya ng ganoon.
“Eh, bumaba na lang po kayo, Ma’am Aniah,” napapakagat-labing wika ni Jocelyn.
Naghahanda siya para sa pagpunta niya sa The Queens sa araw na iyon. At wala siyang inaasahang bibisita basta sa kaniya sa mismong pamamahay nila.
Kinuha na muna niya ang kaniyang bag bago nagmamadaling lumabas sa kaniyang silid. Kulang na lang ay takbuhin niya ang papunta sa may grand staircase. At nang makita niya ang lalaking tinutukoy ni Jocelyn na bis
