PUMASOK ang kinasasakyang kotse nina Aniah sa bumukas na rehas na gate. Natigilan pa siya nang makita ang malaking mansiyon na tiyak niyang pag-aari ng Lolo Isaac ni Devon.
“D-diyan ka nag-stay?” nasurpresang bulalas ni Aniah kay Devon.
“Hmm. May problema ba?”
Umiling si Aniah. “Nothing. Dito ka lang pala nakatira. Palagi ko rin kasing nakikita ang bahay na ‘to ng lolo mo kapag napapadaan kami rito,” sabi na lamang niya.
Lihim pa siyang napalunok. Hindi niya mapigilan ang sarili na hindi lingunin ang rehas na gate na kanilang pinasukan.
Sinikap niyang iwaksi ang isang munting alaala sa kaniyang isipan na pilit nagsusumiksik doon.
Nang huminto ang kotse sa mismong tapat ng entrada ng mansiyon ay agad silang pinagbuksan ng pinto ng mga naroong bodyguard. Nagpasalamat pa siya roon. Si D
