REBECCA'S POV
"I'M just kidding," agad na bawi ni Sir Tristan sa sinabi niya kaya nakahinga ako nang maluwag. "Paano naman ako magiging si Uncle Sam? Eh, 'di sana, naalala ko agad kayo ni Samantha. Ang sabi kasi ng doctor ko, mas mabilis ko raw maalala ang mga taong may malalim na connection sa buhay ko."
Tumango-tango ako. "Tama po kayo, Sir Tristan." Kapagkuwan ay ngumiti ako nang pilit. "At saka kung kayo nga po ang ama ni Samantha, dapat sa una pa lang ay kilala ko na kayo."
Tumango lang siya. Nag-focus na siya sa pagmamaneho. Si Samantha naman, bumalik uli sa pagtulog.
Ako naman, nanahimik na lang din. Kinakabahan pa rin ako na baka maungkat na naman ni Sir Tristan ang tungkol kay Uncle Sam.
"Siguro miss na miss mo na ang daddy ni Samantha, 'no?"
Nakagat ko ang aking labi. Ka
