REBECCA’S POV
“ANAK, huwag kang malikot, ha? Behave lang kay Tito Tristan. Magwo-work lang muna si Nanay,” malambing na bilin ko kay Samantha bago ko siya iwan kay Sir Tristan. "Huwag ka ring magkalat at mag-ingay. Office work ito. Nakakahiya kay Tito Tristan. Siya ang boss ni Nanay." "Opo, Nanay. Promise po." At saka siya nakipag-high five sa akin. Napangiti ako. "Very good naman ang baby ko na 'yan." Nagulat ako nang bigla na lamang siyang yumakap sa akin. "I love you po, Nanay." Namasa ang aking mga mata at saka ko siya niyakap nang mahigpit din. "I love you din, anak. Ikaw ang pinakamahalga kay Nanay. Hindi ko kayang mawala ka sa'kin, baby." "Aw. Nanay. Hindi po ako makahinga," mayamaya ay reklamo niya dahil ubod ng higpit na pala ang pagyakap ko sa kaniya. Natatawang binitawan ko na
