ARMINA
Pasulyap-sulyap ako kay Nate habang tinutulongan ako nitong magtinda ng isda. Akala ko ni paghawak ng isda ay hindi nito gagawin. Dahil sa kaartehan n’ya hindi ko inasahang seryoso ito sa pagtulong sa akin. Bago ko pa naisipang gawing modelo ng puwesto ko si Nate tinuruan ko ito kung paano gumamit ng kilohan. Kaso may katangahan yata siyang taglay dahil bawat bumibili ay sinusobrahan nito ng ilang pirasong isda.
Halos kalahati ng banyera ay matang baka at dibang. Pinakyaw ni Aling Aaliyah ang lahat ng matang-baka at kalahati ng dibang. Doble ang binayad nito sa akin. Kahit hindi maubos ang aming paninda ay sulit na ang kinita ko para sa mga kaibigan ko. Sayang nga at walang huling arayu. Mabenta sana iyon sa mga suki kong may restawran. Ginagawa nila iyong fish fillet
