NATE
Wala ng bakanteng upuan sa loob ng dyip pagdating namin sa paradahan. Iyon na rin ang huling bayahe pabalik sa nayon. Nagpaalam ako kay Ara para bumili ng malaking supot para mailagay ko ro’n ang aking carry on luggage. Ilalagay ko na lamang sa loob ng banyera ang lahat ng dala naming gamit para hindi iyon kalat-kalat. Isang kahon na puno ng grocery ang bitbit ko pati ang carry on luggage ko. Si Armina naman ay bitbit ang pagkaing pinabili ko kay Norman at ang pinamalengke niya.
“Ara, wait for me here. I’ll buy a plastic from that store,” saad ko na tinuro ang tindahan sa tapat ng sakayan.
“Anong gagawin mo sa supot?”
“Ah, ibabalot ko sa luggage ko para mailagay ko iyong box at luggage at ibang pinamili mo sa loob ng bucket,” paliwanag ko sa ka
