NATE
Kung lola ko lamang si Lola Pacing malamang ngayon ay may asawa na ako. Sa sobrang pagka-moderno nitong mag-isip at bukas ang isipan sa mga bagay-bagay. Palabiro ito. Siya ang lola na kahit kailan ay hindi ako nagkaroon. Kaya siguro tuwang-tuwa akong kausap ito.
“Maari naman, iho. Hindi naman ako tutol. Magaan ang loob ko sayo. Hindi ka naman garapal at hindi rin mayabang,” aniya.
Kung alam lang ni Lola Pacing taliwas ang nakikita nito sa pinakikita ko kay Armina.
“Maari po talaga akong manirahan rito, Lola Pacing?”
Akala siguro ni Lola Pacing ay iyong ‘asawahin’ ang itatanong ko.Wala na akong balak mag-asawa pa. Na-trauma na ako kay Mika maging kay Tara pati na rin kay Donna. Sa dami ng babaeng muntik ko nang makatuluyan ni isa sakanila ay hindi ko maikumpara kay Armina.
“Kahi
