"Dapat ipakilala mo na siya sa 'kin, ha? Para makilatis ko. Akala ko pa naman kung ano nang ginagawa mo maghapon dahil first time na hindi mo ako kasama. Iyon pala naglalandi ka na," sabi ni Joy habang naglalakad sila.
Naisipan nilang gumala na magpinsan ngayong araw pero wala namang saktong lugar na gagalaan, kaya kung saan-saan na lang sila naglalakad-lakad.
"Ayoko nga! Baka agawin mo pa ang prince charming ko sa 'kin!" maarteng sabi ni Kirsten saka humalukipkip. First time rin na hindi siya masaya na kasama ang pinsan, dahil siguro ang ninanais niyang ngayong makasama ay si Sean. Kaso nakakadyahe namang puntahan niya ulit ang binata, nakakahiya na. Dalagang pilipina pa rin siya, syempre.
Umaasa na lang siya ngayon sa tadhana, dahil itinadhana na lang kung makikita niya ngayon ang bin
