Pababa sa hagdan mula sa second floor si Christoph ng umagang iyon nang may magdoorbell sa main door nila.
"Anak ng tokwa naman oh! Nasaan ba ang mga tao at walang nagbubukas ng pinto?" inis niyang habang inaayos ang necktie.
"Nandiyan na saglit lang," pigil bulyaw niya sa sinumang poncious pilate na nasa labas ng main door nila nang umulit na nagdoorbell ang nasa labas.
Minadali ng binata ang paglapit sa pintuan at nakahanda na rin ang panenermon sana niya pero parang yelo na natunaw ang inis niya ng makita ang malungkot at halatang wala sa tamang kalusugan na si Crystalline Jamellah. Ang pinsan niyang anak ng Papa MJ niya na kapatid ng Mama sss niya.
"Good morning, Kuya BC. Puweding pumasok?" tanong ng dalaga na wala man lang kasigla-sigla.
"Magandang umaga rin sa iyo, Sis. Pasok ka
