"KANIN pa ako," wika ni Rhi.
Tumingin ako sa kanya. "Kumain ka na lang ng prutas."
Matalim niya akong tinitigan. "Bigyan mo pa ako gusto kong kumain ng kanin."
Kukunin sana niya ang mangkok na may nakalagay na kanin ngunit mabilis kong kinuha at nilayo sa kanya.
May namumuong luha sa kanyang mga mata habang nakatingin siya sa akin. "Akala ko ba ako ang Master mo?"
Huminga ako ng malalim. "Pinagbabawal ka ng OB gyne mo na kumain ng maraming kanin. Ang laki ng baby natin sa tiyan mo kaya pinagda-diet ka."
Tuluyan na siyang umiyak. "Bakit mo ako pinagdadamutan. Lahat na lang gusto ayaw mong ipakain sa akin. Nagugutom pa ako gusto kong kumain."
"Papakin mo na lang ang gulay na niluto ko para sa 'yo."
Umiling siya. "Ayoko! Nakakaumay na ang puro gulay."
"Rhi, mas maganda sa 'yo ang ku
