MASAKIT ang ulo ko nang magising ako ng alas-otso ng umaga. Bumangon ako at umupo sa kama habang nakahawak ako sa sinitido ko.
“Ang sakit ng ulo ko.”
Kinabahan ako nang mapansin kong iba ang kulay ng kobre kama ko. “Nasaan ako?”
Kinilabutan ako nang maalala ko ang nangyari sa akin kagabi. Tiningnan ko ang suot kong damit kung napalitan.
“Si Oman? Anong ginawa niya sa akin?” Napatayo ako sa kama at lumabas ng kuwarto. May namumuo ng luha sa mga mata ko dahil sa katangahan ginawa ko.
“Gaga! Masyado kang nagtiwala!” Hinampas ko ang ulo ko sa inis.
“Where are you going?” walang bakas na reaksyon sa mukha ni Sir Neil nang magkasalubong ang tingin namin.
“M-Master Dugong?”
Hindi maarok ng isip ko kung paano siya biglang nasa harapan ko na. Dapat ngayon pa lang siya aalis sa Cebu.
“Na
