PARA akong nasa loob ng panaginip ko habang tinatanaw ko ang kalsada na dinadaanan namin papunta sa bahay kung saan kami pansamantalang titira ni Caleb. Walang paglagyan ang tuwa ko dahil sa wakas nasa Amerika na ako.
“Pangarap ko lang 'to noon," bulong ko.
Inakbayan ako ni Caleb at ngumiti sa akin. “Hindi lang ito ang bansa na pupuntahan natin.”
“Salamat dahil pinaranas mo sa akin ang ganitong bagay.”
Hinalikan niya ako ng mabilis sa labi. “Lahat ng magpapasaya sa iyo ay ibibigay ko.”
“Swerte ko talaga sa ‘yo.”
“Hmm.. lagi mong sinasabi na swerte ka sa akin. Hindi mo lang alam kung gaano ako ka-swerte na ikaw ang naging asawa ko. Ikaw ang nagkumpleto ng buhay ko, ikaw ang pangarap ko na natupad.”
Niyakap ko si Caleb. Ang sarap marinig ng mga salitang ‘yon mula sa kanya. Pakiramdam
