NAKASIKSIK ako sa gilid ng kama nang bumukas ang pinto ng silid. Pumasok ang dalawang lalaki at may dalang pagkain.
“Kainin mo 'yan!" sigaw ng lalaki na dumukot sa akin.
Nakatingin ako sa pagkain na dala nila. “Maawa na kayo pakawalan n'yo ako," pakiusap ko.
“Alam mo, kung ako masusunod matagal na kitang pinagsawaan.”
Nakaramdam ako ng takot sa sinabi niya. “Maawa kayo sa akin buntis ako.”
“Wala akong pakialam kahit buntis ka. Pasalamat ka at mabait ang boss ko.”
“Sino ang boss n'yo?”
Ngumiti ito. “Bakit ko naman sasabihin sa 'yo?”
“Pakawalan n'yo lang ako bibigyan ko kayo kahit magkanong gusto n'yo.”
Nagkatinginan ang dalawa. “Kahit magkano?”
Tumango ako. "Oo, mayaman ang asawa ko kahit magkano ang gusto n'yo ibibigay niya pakawalan n'yo lang ako."
Ngumiti siya. "Bakit naman
