KANINA pa tahimik si Lily sa isang tabi. Nakikinig lang siya sa usapan ni Colt at ng babaeng lumapit sa kanilang table habang kumakain sila ng lunch sa restaurant. Pinakilala sa kanya ng nobyo ang babae sa pangalan na Andrea.
Kanina pa niya pinapakalma ang sarili dahil kung tutuusin ay wala naman siyang dapat ipagselos dahil mukha naman mabait ang babae. Kaswal rin ang pag-uusap ng dalawa. Walang halong paglalandian. Pero pakiramdam kasi niya ay na-out of place siya. Hindi siya makasakay sa usapan ng mga ito bagaman manaka-naka ay sinasali siya ng mga ito sa usapan. Idagdag pa na nakakaramdam siya ng insecurities.
Sa kabila ng simpleng kasuotan – jeans, long sleeve polo at boots na may putik pa ay hindi pa rin maitago ang kagandahan ni Andrea. Parang mahinhin na bersyon ito ng isang cow
