ONE YEAR LATER
“Ma’am Lily, aalis na po kami.”
Tumango si Lily sa pinakahuling waitress na naiwan sa Hot Slice – pizza house na pagmamay-ari niya. “Sige, Gina. Mag-ingat ka.”
“Kayo din po, Ma’am.”
Siya na lang at ang security guard na nakatayo sa labas. Nakiusap kasi siya sa matandang guard na huwag siyang iwan hangga’t hindi pa dumadating si Colt sapagkat may dala siyang malaking pera. Isang linggong income ng Hot Slice at bukas pa niya ilalagay sa bangko.
Pitong buwan nakakaraan buhat nang pinatayo niya ang naturang pizza house at sa kabutihang palad ay maayos naman ang takbo ng kanyang negosyo. Hands on siya sa pag-monitor dahil ayaw niyang mapahiya kay Colt. Ito kasi ang nagbigay sa kanya ng capital para raw may mapaglilibangan siya habang wala pa silang anak. Tinuruan rin siya n
