HILAM ng luha si Lily habang tinitingnan ang picture nila ng kanyang ina. Kuha iyon nang magpa-picture sila sa isang matandang photographer sa parke. Apat na pirasong kopya ay nagkakahalaga lang ng trenta pesos.
Uso na noon ang cellphone na may camera ngunit hindi nila kayang bumili. Gusto nila na mayroong souvenir sapagakat graduation day niya sa elementarya nooong araw na iyon at pagkatapos ng seremonya ay pinasyal siya ng kanyang ina. Kumain pa sila sa Jollibbe bilang selebrasyon. Mabuti na lang at naroon pa rin ang matandang photographer na nag-aalok ng serbisyo sa mga namamasyal sa parke.
Magkayakap silang mag-ina sa naturang picture habang hawak niya sa isang kamay ang isang supot ng cotton candy. Nakatirintas ang mahaba niyang buhok. Bago ang kanyang sandals at bestida. Nangutang
