“BAKIT COLT. . .”
“Anong bakit?” kunot-noong tanong ni Colt.
Tuluyan na siyang ngumawa ng iyak. Nilapitan niya ito. Hinampas sa dibdib. “Bakit nagawa mo akong tiisin? Ni hindi ka man lang tumawag o nag-text sa akin! Hindi mo man lang ako hinanap.”
Ang gulat ni Colt ay humantong sa pagtawa. “I’m sorry, Sweetheart,” anito na hinaplos siya sa buhok at hinalikan sa noo. “Naging busy lang ako dahil hinarap ko muna ang problema ko kay Uncle Manny. Pero di ba ang sinabi ko naman sa iyo na kahit saang lupalop ka ng mundo magtago ay hahanapin pa rin kita."
“I’m so sorry. Patawad kung hinusgahan kita.”
“Naiintindihan kita, Sweetheart. Alam ko kung gaano mo kamahal ang mama mo. Siya na lang ang natitira mong pamilya. But believe me, hindi ako ang may kagagawan ng walang habas na pag-demolish ng
