IPINASOK na ni Colt ang kotse nang bumukas ang mansyon ng kanyang ama. Akala niya ay hindi siya papasukin. Huling tapak niya doon ay noong pina-kidnap ng kanyang ama si Lily sa mga tauhan nito. Muntik din niya ito mapatay noon dahil sa sakal.
Tuluyan ng nawasak ang relasyon nilang mag-ama. Hindi rin naman siya naghihinayang o nagisisisi sapagkat alam niya na ginawa lang niya kung ano ang tama. Isa pa, gusto niya rin maturuan ng leksyon ang kanyang ama. Malaman nito na hindi lahat ng gusto nitong naisin ay makukuha sa pera o kapangyarihan. Hindi nabibili ang pag-ibig.
Pumunta si Colt doon para kunin sa kanyang ama ang address ng kanyang Uncle Manny – kapatid ng kanyang ama. Matagal na niya itong hindi nakikita. Wala rin siyang pakialam kung nasaan man ito ngayon sapagkat hindi sila close
