Chapter 61
BUONG maghapon kong hindi nakita si Athran at hindi ko rin alam kung saan ko siya hahagilapin sa laki ng palasyo. Katatapos ko lang maghapunan nang makita ko ang isa sa nakausap niya sa pagpupulong na ‘yon. Tumango lang ako sa kanya nang makasalubong ako ngunit hindi niya ako inimik. Alam siguro ng buong taga-Peridot kung sino ako at mukhang halata sa kung paano ako titigan ng ilan na hindi nila ako gustong manatili rito. Wala naman silang magagawa dahil kasal ako kay Athran.
Nilagpasan lang niya ako ngunit agad akong humabol na siyang kinagulat niya ng bahagyang. Huminga ako ng malalim, “paumanhin ngunit gusto kong malaman kung na saan si Athran ngayon?”
“Nasa kanyang silid-aklatan pa rin,” wika nito.
“Salamat,” sabi ko at mukhang hindi ako gustong makaharap nong lalaking ‘
