Chapter 81
“HINDI ko gusto kung anong nangyayari sa ‘kin, minsan hindi ko kilala ang sarili ko…ikaw ang nagiging dahilan para lumaban pa ako kahit gusto ko nang mawala kasi hindi ko na kaya, nahihirapan na ako,” punong-puno ng pagmamakaawa ang boses niya hindi lang para sa ‘kin ang sinasabi niya, hindi lang para sa sarili niya, parang may gusto siyang ipahiwatig kung sino man ang nasa loob ng katawan niya ngayon.
Napalunok ako at tinansa ang gagawin ko. Dahan-dahan akong lumapit sa kanya habang nakatitig lang siya sa ‘kin, unti-unti kong inabot ang kamay ko sa mukha niya para haplusin, pinikit niya ang mga mata niya at hinawakan ang kamay na nakahawak sa kanya kahit pa paano napakalma ko siya.
“Kailangan na nating umalis,” yaya ko sa kanya.
Idinilat niya ang mga mata niya ngunit hindi
