Chapter 82
DINALA nila ako sa isang silid kung saan kaming dalawa lang ng reyna ang maiiwan at agad na lumabas ang mga kawal kasama sila Mildred. Mas nangingibabaw ang kulay itim sa buong silid, mga kristal na kumikinang, may apat na pillars para sa pondasyon ng silid, wala akong makitang bintana ngunit may mga kurtinang maroon na nakalaylay, may nakasabit na chandeliers sa kisame, mga bulaklak na itim.
Kinumpas niya ang kamay niya kaya kosang napunta ang upuan sa puwesto ko at saka siya tumango. Naupo ako sa harapan niya at may ilang metro lang ang distansya ko sa kanya, may lumitaw na maroon at trono sa likod niya saka siya naupo ro’n.
“Maligayang pagdating sa Granite, binibining Avery, nawa’y magkaintindihan tayo sa pag-uusapan natin ngayon…hindi ko gusto ng gulo, maraming nadadamay
