Chapter 90
NAPASINGHAP ako at napaubo nang makalanghap ako ng kakaibang amoy mula sa hangin. Tuluyan akong nagising, hinampas ng bahagya ang aking dibdib nang sumasakit ang baga ko dahil sa kakaibang usok. Hindi na rin ako makahinga ng maayos kaya tuluyan na akong bumangon sa kama, dumiretso ako sa balkonahe para buksan ang pinto ngunit mas sumama pa ata nang tuluyang nakapasok ang itim na usok mula sa labas. Animoy usok na nanggagaling sa sinusunog na mga tuyong dahon ngunit mas malakas at mas masangsang ang amoy kaya nagagawa rin nitong magluha ang mga mata ko. Tinakpan ko ang ilong ko nang mapansin kong binabalot ng makapal na usok ang buong bayan.
Unti-unting namamatay ang mga sindi roong ilaw hanggang sa ilang parte sa bayan ang dumilim at para bang nabura sa sa Granite. Agad kong
