Chapter 75
“MALAPIT na tayo sa Miraya, ilang oras na lang naroon na tayo kaya mas kailangan nating paghandaan ano mang makakaharap natin do’n,” paalala ni Acamen habang nasa harap namin ang mapa na nakalatag sa bilog na lamesa sa maliit na silid sa galyon na para bang munting bulwagan ng Linux.
“Sana maging maaliwalas ang lahat at wala na tayong pahirapan ng tadhana,” bulalas ko.
“May mga ilang plano pa naman tayo kung sakaling may mangyaring hindi inaasahan,” wika ni Acamen saka siya napasulyap sa ‘kin.
“Pero hindi natin gustong makarating sa mga plano na ‘yon,” dagdag ko pa.
Ilang araw na rin kami sa dagat at nalalapit na rin ang pagtungtong namin sa Miraya. Bumalik kami sa unang palapag ng galyon, katulad ng dati alerto ang lahat, araw-araw kaming ganito at nagpapalitan ng magbaban
