One week mahigit sina Alelie at Monroe sa Rancho. Marami silang ginawa este mas tama sigurong sabihing maraming ipinagawa ni Monroe kay Alelie. Na kinaya naman ni Alelie kahit papaano, pakiramdam tuloy nito ay ibang Alelie na ang babalik sa Mansyon.
"Maraming salamat sa walang sawang suporta at kalinga, 'Nay Mina at 'Tay Teddy. And also sa inyo boys, keep it up and take care!" wika ni Monroe sa mga taga-Rancho habang isa-isa niya itong niyayakap.
Ganoon din ang ginawa ni Alelie. Kahit papaano ay napalapit na rin ang kanyang kalooban sa mga taga- rancho. Pagkatapos ng kanilang paalaman sa isa't- isa ay inihatid na sila sa may dulo kung saan naghihintay sina Jepoy na kanilang sundo.
"Kanina pa kayo?" tanong ni Monroe habang binubuksan ang isang pinto ng kanilang sasakyan.
"Kadarating lan
