"Ano ba ang dahilan bakit naurong ang kasal ninyo ha, Ponyang?" tanong ni Aling Gina sa anak.
Wala na siyang nagawa kung hindi ipaalam sa kaniyang ina at kapatid ang pagbabago ng plano tungkol sa kasal nila ni Ice. Hindi madali na isa-isa nilang kausapin at bigyan ng mensahe ang lahat ng may kinalaman sa okasyong iyon, lalo na ang mga kinontrata nila para sa venue at pagkain. Pati ang mga bulaklak na inorder pa nila sa ibang bansa ay hindi na nila nabawi pa ang kanilang paunang bayad.
"May konting problema lang po sa mga requirements sa kasal, Nay. Kailangan pa namin 'yong asikasuhin, mukhang matatagalan pa at hindi aabot sa mismong date kaya po napilitan na kaming ipagpaliban na lang muna," paliwanag niya.
"Hmm... Ano bang klaseng papeles ang hinahanap, kompleto naman ang mga require
