Araw ng check up ni Uno, maaga pa lang ay nasa opisina na ni Dra. Imperial ang mag-ina.
"Okay, Uno, very good!" sabi ni Dra. Imperial, matapos sumailalim ang bata sa ilang mga test na hindi nagrereklamo.
"Can I play now, doctor?" tanong ni Uno sa doktora.
"Of course, Uno, you may go and play," tugon naman nito.
"May balita na po ba, Doc, tungkol sa organ donor ng anak ko?" Nang makaalis ang bata at lumipat sa extension room ng doktora ay binalingan agad ito ni Isabela.
Tiningnan siya nito ng makahulugan sabay mabagal na umiling.
"Sad to say wala pang progress. Dalawa kayong naghihintay para sa heart transplant pero wala pa ring makuhang ka-match. Huwag tayong mawalan ng pag-asa, si Dr. Vander naman kasama ng kaniyang buong team ay hindi tumitigil sa paghahanap. Sa meeting namin kahap
