Mababaw lang ang tulog ni Isabela kaya mabilis siyang nagising nang maramdaman niya na lumubog ang kaniyang hinihigaan. Pumasok na si Clark sa silid, nahiga ito sa tabi niya at niyakap siya buhat sa likuran.
"Huh! Tapos na ba kayong uminom?" tanong niya, pumihit siya paharap sa asawa.
"Yes, sumuko na 'yung dalawa," nakatawang sagot nito.
"Nalasing ka ba?"
"Hindi naman masyado. Isang bote lang naman ang pinagtulungan naming ubusin. Mas malakas uminom ang dalawang 'yun kaysa sa akin."
Napangiti siya. "Noon pa naman mas madalas na silang gumimik kaysa sa'yo, lagi kasing pag-aaral ang inaatupag mo," panunudyo niya rito.
"Hindi naman, hindi lang talaga ako mahilig sa mga party," apela nito.
Umusog siya at nagsumiksik sa dibdib ng asawa, ginawa niyang unan ang braso nito.
"I couldn't he
