Dalawang linggo ring nagtagal sa New Zealand si Ice at sa mga araw na naroon siya ay sinigurado niya na naaalagaan niya ang mag inang Isabela at Uno.
"Tito Ice is leaving I feel so sad, Makoy. Are you sad too?" ani Uno habang kausap ang alaga niyang tupa. Malungkot ang itsura nito na nakaupo sa ikahuling baitang ng hagdan at hinihintay na bumaba si Ice.
"Kung hindi lang marami ang ginagawa mo rito ay isinama ko kayo ni Uno pagbalik ko sa Pilipinas para makapagbakasyon naman kayo," sabi ni Ice kay Isabela. Binuhat nito ang kaniyang maleta na hindi naman kalakihan. Konti lang ang mga dala nitong gamit dahil marami naman siyang damit sa bahay ni Benny.
"Hindi ko pwedeng iwan ang farm at si Auntie Benny," sabi ni Isabela, sumunod siya rito ng bumaba na ito ng hagdan.
Nasa itaas pa lang a
