Hindi akalain ni Ponyang na sa ganuong klaseng lugar pala sila pupunta. Lugar na maingay, malakas ang tugtog, maraming ilaw, maraming tao at higit sa lahat ay bumabaha ng nakalalasing na inumin basta marami ka lang pambayad.
Pagpasok pa lang nila sa loob ay parang mga inosenteng hayop na nakawala sa hawla ang lahat. Gusto nilang mag-explore, alamin at i-experience kung paano nagpapaka-enjoy ang mga mayayaman.
"Let's go guys, doon tayo pumuwesto." Itinuro ni Ice ang upuan na para lang sa mga special guest. Sakto lang ang lamesa na iyon para sa kanilang lima.
"Umorder kayo ng mga gusto ninyong pagkain at inumin kahit na ano, ako ang bahala. Sky is the limit," ani Ice matapos makapwesto ng upo ang lahat.
"Umorder tayo ng bangus sisig atsaka pork sisig," sabi ni Mac, nakita nito iyon sa
