Araw ng Sabado walang pasok sa eskwela. Nangako si Ponyang kay Ice na papasok na siya sa C&C. Hindi niya magawang makaalis dahil nakabantay sa kaniya si Clark. Hindi man sila nag uusap sa loob ng bahay ay alam niyang lagi lang itong nakamasid sa kaniya. Nakapagpaalam na siya kay Jen. Noon pa man ay inamin na niya rito na nagpa-part time job siya sa coffee shop at ito ang gumagawa ng paraan para makaalis siya sa mansiyon at makabalik ng gabi na hindi napapagalitan ng first gentleman. Pero, iba na ang sitwasyon ngayon, nariyan na si Clark sa buhay niya. Kailangan niyang ipaalam dito ang mga nangyayari sa kaniya at alam naman niyang kailangan din nitong malaman iyon.
Naghanap siya ng tiyempo para makausap ito. Tama namang wala ang first gentleman, wala rin ang presidente. Sina Brix at Iñigo
