ALEXANDER
Tahimik at wala akong naririnig na kahit anong ingay dito main base ng Magna El Cajon ng dumating ako. Tanging ang mga tauhan ni Declan ang nadatnan kong bantay sa entrance at lobby na mukhang business center, pero ito ang pinakamalaking building na pag-aari ng council na pinamumunuan ng kaibigan ko at bilang Ace ay welcome akong pumunta dito anytime na gusto ko, dahil may sarili akong opisina dito.
Parehong nakatali sa upuan sina Chanel at ang asawa nito na si Rhu Vasiliev ng datnan ko sa loob ng basement. Nakita ko agad ang takot na bumalatay sa mga mata nilang dalawa ng makita akong pumasok kasama si Declan na siguradong kilala rin nila.
Nag-palipat-lipat ang tingin nila sa amin ng makita ang mga mantsa ng dugo sa damit na suot ko. Simula ng sugurin namin ang iskwater na pi
