AVERY
Kulang na lang ay isumpa ko si Alexander habang naglalabor ako, dahil napakasakit pala talaga ang manganak, pero nawala ang lahat ng takot at pagod ko ng makita ko ang mga batang isinilang ko.
Ilang oras rin kaming naghintay kanina matapos pumutok ang panubigan ko, hanggang sa tuluyang nailabas ko ang kambal dahil talagang nahirapan ako.
Mabuti na lang at nasa tabi ko ang asawa ko habang paulit-ulit na humihilab ang masakit na tiyan at balakang ko. Ilang oras rin akong nakatulog matapos kong isilang ang kambal, dahil talagang nanghihina ako at pakiramdam ko ay saglit na nawalan ako ng malay.
Kahit nanlalabo ang paningin ko ay dahan-dahang nagmulat ako ng mga mata. Naririnig ko kasi ang hagikhik ni Ailee malapit sa akin, kaya nagising ako.
“You're awake,” mahinang sabi ni Xander
