AVERY
Ilang minuto muna ang pinalipas ko, bago tumayo at nagpaalam kay Xander na lalabas na ako dito sa opisina niya. Gamit ang mga daliri ay sinuklay ko ang mahabang buhok ko at inayos pati na rin ang damit na suot ko.
Isang magaan at mabilis na halik sa labi ng asawa ko ang ginawa ko, bago bumaba at bumalik dito sa garden kung saan ko iniwan ang mga kaibigan at kapatid ko.
“Bakit ang tagal mong bumalik, Aves?” malakas ang tinig na tanong ni Harlen sa akin nang lumapit ako sa kanila at abutan ko silang nagkakasiyahan dito sa garden.
May mga pagkain na rin at inumin ang nakita ko sa ibabaw ng maliit na mesa at sa kabila naman ay nagluluto ng barbecue si Carla.
“Nahilo kasi ako, kaya nagpahinga muna ako sa taas,” pag-dadahilan ko, pero mukhang ayaw maniwala ng dalawang kaibigan ko.
