AVERY
Dahil Friday ngayon, kaya nang umuwi ang mga kapatid ko galing sa school na pinapasukan nila ay sinabi ni Sir Xander sa kanila na maghanda, dahil aalis umano kami at pupunta sa Subic sa Zambales. May private resort daw siya doon, kaya p'wede kaming magbakasyon ng dalawang araw.
Tuwang-tuwa naman ang mga kapatid ko at agad na naghanda ng mga damit at gamit na dadalhin nila. Mabuti na lang at maaga sila kung umuwi kapag Friday, kaya four o'clock pa lang ay ready na ang lahat.
"Sure ka ba na kaya mo ng magtravel, Xander?" nag-aalala na tanong ko sa kanya.
Alam kong malayo ang Zambales dito sa Maynila. Ilang oras rin ang biyahe at bago pa lang ang sugat niya, kaya kung ako lang ang masusunod, ayaw ko sanang umalis kami.
"Don't worry, I'm fine. Dadalhin ko naman ang mga gamot ko. I
