JAMILLA
Magkatuwang kaming nag-set up ng dinner namin ni Drake dito sa tabing-dagat. Ako ang nagbuhat ng mga pinggan, habang siya naman ay nagbuhat ng mesa at inilagay ito sa ilalim ng malaking puno.
Malinis ang baybayin dito sa isla. Malawak rin ang kapaligiran at kaming dalawa lang ang narito sa dalampasigan, kaya puwede naming gawin ang kahit anong gusto namin dahil may privacy kami.
“Busog na ako,” sabi ko kay Drake dahil nilagyan niya ng inihaw na isda ang pinggan ko.
“Tataba ako dito sa isla kapag nagtagal tayo dito.”
Napangiti naman ang kinakapatid ko. “I don't mind seeing you gaining weight, baby.”
Inirapan ko siya. “Ganyan naman kayong mga lalaki sa umpisa. Sweet at caring kasi bago pa lang at pa-good boy ang image, pero kapag nagsawa na kayo dahil nanganak na ang isang bab
