JAMILLA
“Kanina ka pa ba naghihintay sa akin?” malambing na tanong ni Drake.
“Hindi naman, kagigising ko lang,” mahina kong sagot dahil napakalakas ng kabog ng aking dibdib.
“I'm sorry if I didn't wake you up earlier before I left. Mahimbing kasi ang tulog mo, Jam,” paliwanag niya.
“It's okay.”
Tipid ang naging sagot ko, pero napangiti si Drake. Muli niya akong hinalikan sa noo, at pagkatapos ay niyaya na niya akong bumalik sa beach house.
“Dito na lang muna ako,” sabi ko sa kaniya.
Masarap kasing manatili dito sa tabing-dagat. Hindi mainit ang araw at presko ang sariwang hangin na tumatama sa balat ko, kaya nagustuhan kong manatili dito.
“Gusto mo bang mag-set up ako ng tent para hindi ka na pumasok sa bahay kapag nabagot ka at gusto mong magpahinga?” tanong ng kinakapatid ko, pe
