JAMILLA
Pumikit ako nang marinig ko ang ibinulong sa akin ni Drake. Ang sabi niya ay mahal raw niya ako, pero hindi ko naman masagot ito.
Para bang may pumipigil sa akin na sabihin ito. Hindi ko alam kung dahil ba ito sa aking pride, kasi may bahagi ng isipan ko ang may pag-aalinlangan dahil sa takot na baka isang araw ay iwan na naman niya ako.
“Baby,” tawag ni Drake sa akin.
Muli akong nagmulat ng aking mga mata. Agad naman niyang tinawid ang gahiblang pagitan ng aming mga mukha at walang pagdadalawang isip na siniil niya ako ng halik sa mga labi.
Dahil dito, naging marupok na ako. Hindi ko man masabi sa kaniya na mahal ko pa rin siya, alam kong naramdaman rin ito ni Drake dahil nakikita niya kung paano mag-react ang aking katawan sa bawat haplos ng kamay niya sa balat ko.
Humihin
