JAMILLA
Nagkuwentuhan kaming dalawa ni Ninang Leigh dito sa hardin nang dumating si Drake. May dala siyang paper bag at agad itong inilapag sa tabi ko.
“Bumili ka ng tinapay?” tanong ni Ninang Leigh sa kaniyang anak.
“Yes, Mom,” nakangiting sagot ng asawa ko. “Gusto kasi ito ng asawa ko.”
Yumuko siya at mabilis akong hinalikan sa pisngi, pero dahil lumingon ako sa kaniya, hindi sinasadya na naglapat ang aming mga labi.
Napapikit ako nang dumampi sa labi ko ang mainit na labi ng asawa ko. Sandali lang ito, ilang segundo lang, pero biglang nag-init ang aking magkabilang pisngi dahil alam kong nakita ito ni Ninang Leigh.
“Anak, gusto mo bang kumain ng lasagna?” narinig kong tanong ni Ninang Leigh sa asawa ko.
“Later, Mom,” sagot ni Drake.
Hinatak niya ang bakanteng upuan sa tabi ko a
