JAMILLA
Hindi pumayag si Drake na mauna akong lumabas ng hotel. Kinausap ko siya sana na huwag na siyang sumabay sa akin palabas, pero ayaw niya akong pagbigyan dahil hindi umano siya papayag na kinahihiya ko siya.
Ayaw ko sanang lumabas ng hotel room ko, pero siguradong hindi rin aalis si Drake, kaya minabuti kong umalis na lamang. Nagmadali akong sumakay ng kotse ko nang makalabas kami at pinaharurot ito palayo sa parking lot ng hotel.
Nakagat ko ang aking ibabang labi habang nagmamaneho. Muntik na akong bumigay kanina kay Drake, kaya wala akong mukhang maihaharap sa kaniya kapag nagkita kaming dalawa.
Kung hindi kumatok ang staff ng hotel nang ihatid niya ang pagkain namin, baka may nangyari sana sa aming dalawa kanina.
Nadala ako sa panunukso niya. Hindi ko namalayan na naihiga n
