DRAKE
“Nakikita ko na ang ulo ni baby number two,” malakas na sabi ng doktor.
“Drake, ang anak natin. Keep your eyes on them,” mahinang anas ni Jam. “Don’t let them take any of them.”
Ngumiti ako sa asawa ko at mabilis na pinatakan ng halik ang kaniyang labi para huwag na siyang mag-alala.
“Just relax, at magpokus ka muna sa panganganak mo,” bulong ko kay Jam. “Don't worry so much. Trust me, hindi mawawala sa paningin ko ang mga anak natin.”
Marahang tumango ang asawa ko at dahan-dahang pumikit. Muli kong narinig ang nasasaktan niyang mga ungol at impit na mga daing, hanggang sinundan ito ng malakas niyang hiyaw at pag-iyak ng aming anak.
“Congratulations, lalaki po ulit ang second baby ninyo, Mr. and Mrs. Madrigal,” sabi ng doktor.
Hawak niya sa mga paa ang anak ko at bahagyang it
