JAMILLA
Kahit sarado ang bintana ng kotse, naririnig pa rin namin ang malakas na mga putok ng baril mula sa labas ng sasakyan. Tama nga ang sabi ni Drake na kami ang target ng mga armadong lalaking nag-ambush sa amin, pero hindi nila inaasahan na bulletproof ang sasakyan ng asawa ko.
“Jam, don't open the window. You're safe here inside,” utos sa akin ng asawa ko. “May mga kasamang tauhan sina Daddy. Naka-convoy sila sa atin.”
“Pero nauna na sila, Drake,” sagot ko.
Nauna sa amin ang convoy nina Ninong Declan, and it's difficult for them to make a U-turn para sa reinforcement dahil one way ang daan.
“Hindi nila tayo titigilan, Drake.”
Hinahabol na kami ng mga kalaban namin. Dalawang itim na van ang nakita kong nakasunod sa amin, at nag-overtake ang isa sa mga ito. Sakay ng ilang motors
