Dalawang araw bago ang itinakdang pagtatapos ni Basilio, lumawas ang mag-asawang Valencia at nagtungong Estados Unidos upang masaksihan ang isa sa pinakamahalagang pangyayari sa buhay ng kanilang anak.
Lingid sa kaalaman ng dalawa na bukod sa gantimpala sa Unibersidad ay mayroon pa pala silang surpresa na madadatnan. Kalat sa buong bansa ng Kanada ang pagiging milyonaryo ng isang iskolar mula sa Unibersidad ng York. Dahil sa matagumpay na paglungsad ng negosyo tungkol sa herbal na barley, nakapagtamo ng malaking salapi si Basilio kasama ang kasosyo nitong propesor sa pinapasukang Unibersidad.
Samantala, habang masayang nagdiriwang ang pamilya Valencia, hindi rin pahuhuli si Criscentia na kaagad bumalik ng bansa pagkatapos niyang maisagawa ang lahat niyang plano. Tangan-tangan ang isang l
