AQUILINA
"Kumusta naman ang gabi mo, Senyorita? Balita ko dumalo kayo sa pagtitipon na inorganisa ng bagong Baron dito sa baryo natin. Nagkita ba kayo ni Basilio? Malamang dahil hindi naman papahuli ang pamilya nila sa gano'ng klaseng kasiyahan."
Huminga ako nang malalim sapagkat wala ako sa wisyo upang sagutin ang tanong ni Mildred. Sa tuwing maririnig ko ang pangalan ni Basilio, naaalala ko ang mga sinabi niya sa akin.
"Mildred, hindi ba wala tayong pasok mamayang hapon? Pupunta ako sa tambayan namin ni Edgardo. Ipagpaalam mo na lang ako kay Nanay Badeth, ha?"
Mabilis na nagsalubong ang kanyang kilay noong marinig ang aking tinuran. Inaasahan niya sigurong sasagutin ko ang kanyang tanong ngunit iba ang lumabas sa aking bibig.
Umayos si Mildred ng upo, wala pa naman si Basilio kaya n
